Sayohat rejam

Men kelasi yozda oilam bilan Samarqandga sayohat qilishni rejalashtiryapman. Avval sayyohlik firmasiga murojaat qilib, samolyot uchun chipta sotib olamiz. Safardan bir kun oldin kerakli kiyim-kechak va buyumlarimizni jomadonga joylaymiz.

Biz Samarqandga bormoq va u yerdagi mashhur tarixiy joylarni ko'rmoq istaymiz. Shaharga yetib kelganimizdan keyin qulay mehmonxonaga joylashmoqchimiz. Mehmonxona zamonaviy, baland, xonalari esa keng va juda chiroyli bo'lishini xohlayman.

Sayohat davomida shahar bo'ylab aylanmoq, Registon maydoni, Shohi Zinda majmuasi va boshqa tarixiy obidalarni tomosha qilmoq niyatidamiz. Samarqandning chiroyli ko'chalari, qadimiy binolari va baland minoralarini ko'rish men uchun juda qiziqarli bo'ladi. Menimcha, bu sayohat maroqli va unutilmas taassurotlarga boy bo'ladi.